By ആപ്പിളിന്റെ ഈ വർഷത്തെ മെഗാ ലോഞ്ച് ഇവന്റായ ‘സർപ്രൈസ് ആൻഡ് ഷൈൻ’ ചടങ്ങിൽ കമ്പനിയുടെ ആദ്യ ഫോൾഡബിൾ സ്മാർട്ട്ഫോണായ ‘ഐഫോൺ ഡ്യൂവോ’ (iPhone Duo) ഔദ്യോഗികമായി പുറത്തിറക്കി. ആപ്പിൾ പാർക്കിൽ വെച്ച് പുതിയ സിഇഒ ജോൺ ടെർനസിന്റെ നേതൃത്വത്തിലായിരുന്നു ലോഞ്ച്. മടക്കി വെക്കുമ്പോൾ പാസ്‌പോർട്ടിന്റെ വലിപ്പത്തിലും തുറക്കുമ്പോൾ ഐപാഡിന് സമാനമായ വലിയ സ്ക്രീൻ അനുഭവവും നൽകുന്ന രീതിയിലാണ് ഫോണിന്റെ ഡിസൈൻ.
മറ്റു ആൻഡ്രോയിഡ് ഫോൾഡബിൾ ഫോണുകളിൽ നിന്ന് വ്യത്യസ്തമായി 7.6 ഇഞ്ച് സൂപ്പർ റെറ്റിന എക്സ്ടിആർ ഇന്നർ ഡിസ്‌പ്ലേയും 5.4 ഇഞ്ച് കവർ സ്ക്രീനുമാണ് ഇതിൽ നൽകിയിരിക്കുന്നത്. തടസ്സമില്ലാത്ത സ്ക്രീൻ കാഴ്ചയ്ക്കായി ഫോണിന്റെ ഫേസ്‌ടൈം ക്യാമറ സ്ക്രീനിന് അണ്ടർ-ഡിസ്‌പ്ലേ രീതിയിലാണ് സജ്ജീകരിച്ചിരിക്കുന്നത്. കൂടാതെ ആപ്പിൾ പെൻസിൽ പിന്തുണയും ഈ ഫോണിലുണ്ട്. ഇന്ത്യയിൽ ഇതുവരെ അവതരിപ്പിച്ചിട്ടുള്ളതിൽ വെച്ച് ഏറ്റവും വിലകൂടിയ സ്മാർട്ട്ഫോണായ ഡ്യൂവോയുടെ പ്രാരംഭ വില 2,99,900 രൂപയാണ്. ഒക്ടോബർ 23 മുതൽ ഫോൺ വിപണിയിൽ ലഭ്യമായി തുടങ്ങും.
