By ആർട്ടിഫിഷ്യൽ ഇന്റലിജൻസ് സാങ്കേതികവിദ്യയിൽ പുതിയൊരു ചരിത്രമെഴുതാൻ തയ്യാറെടുത്ത് ഫേസ്ബുക്കിന്റെ മാതൃകമ്പനിയായ മെറ്റ. ക്ലൗഡ് സെർവറുകളുടെയോ ഇന്റർനെറ്റിന്റെയോ സഹായമില്ലാതെ സാധാരണ കമ്പ്യൂട്ടറുകളിലും ലാപ്ടോപ്പുകളിലും നേരിട്ട് പ്രവർത്തിപ്പിക്കാൻ കഴിയുന്ന ‘മ്യൂസ് ഗ്ലിമ്മർ’ എന്ന പുതിയ എഐ മോഡൽ മെറ്റ പുറത്തിറക്കി. സാങ്കേതിക ലോകത്ത് വലിയ ചർച്ചയായി മാറിയിരിക്കുന്ന ഈ പുതിയ ഓപ്പൺ-വെയിറ്റ് മോഡൽ, ഡെവലപ്പർമാർക്കും സാങ്കേതിക വിദഗ്ദ്ധർക്കും ഒരുപോലെ വലിയ അവസരങ്ങളാണ് തുറന്നുനൽകുന്നത്.
ഏകദേശം 30 ബില്യൺ പാരാമീറ്ററുകളുള്ള ഒരു ഡെൻസ് മോഡലാണ് ഇത്. കമ്പ്യൂട്ടറുകളുടെ മെമ്മറി പരിമിതികളെ മറികടക്കുന്നതിനായി ‘ക്വാണ്ടൈസേഷൻ’ പോലുള്ള അത്യാധുനിക സാങ്കേതികവിദ്യകൾ ഉപയോഗിച്ചാണ് മെറ്റ ഈ മോഡൽ നിർമ്മിച്ചിരിക്കുന്നത്. ഇതുവഴി സാധാരണ കൺസ്യൂമർ ജി.പിയുള്ള മാക് അല്ലെങ്കിൽ പിസി ഹാർഡ്വെയറുകളിൽ പോലും ഇത് തടസ്സമില്ലാതെ പ്രവർത്തിപ്പിക്കാൻ സാധിക്കും. ഇന്റർനെറ്റ് കണക്ഷൻ ഇല്ലാത്ത സമയത്തും ഉപയോക്താക്കൾക്ക് സ്വന്തം ഡിവൈസുകളിൽ എഐ സേവനങ്ങൾ ലഭ്യമാക്കാൻ ഇത് സഹായിക്കും.
