By സാമൂഹികമാധ്യമങ്ങളുടെ അതിപ്രസരം മൂലം ദിനംപ്രതി നിരവധി സൈബര് ആക്രമണ വാര്ത്തകളാണ് നമ്മള് കാണുകയും കേള്ക്കുകയും ചെയ്യുന്നത്. ഈയൊരു സാഹചര്യത്തിലാണ് ഉപയോക്താക്കളുടെ സുരക്ഷ ഉറപ്പാക്കുന്നതിനായി വാട്സ്ആപ്പ് ‘സ്ട്രിക്റ്റ് അക്കൗണ്ട് സെറ്റിംഗ്സ്’ ഫീച്ചറുമായെത്തിയിരുക്കുന്നത്. സൈബര് ആക്രമണങ്ങള്ക്കുള്ള സാധ്യതകള് പരമാവധി ഒഴിവാക്കുക എന്ന ലക്ഷ്യമാണ് ഈ പുതിയ ഫീച്ചര് കൊണ്ട് ഉദ്ദേശിക്കുന്നത് എന്നാണ് റിപോര്ട്ടുകള്. വാട്സ്ആപ്പ് സവിശേഷതകള് ട്രാക്ക് ചെയ്യുന്ന വെബ്സൈറ്റായ വാബീറ്റഇന്ഫോ വാട്സ്ആപ്പിന്റെ ഏറ്റവും പുതിയ ബീറ്റ പതിപ്പില് സ്ട്രിക്റ്റ് അക്കൗണ്ട് സെറ്റിംഗ്സ് ഫീച്ചര് ഉള്ളതായി അറിയിച്ചിട്ടുണ്ട്. പരിചയമില്ലാത്ത നമ്പറുകളില് നിന്നുള്ള മീഡിയ ഫയലുകളും അറ്റാച്ച്മെന്റുകളും തടയുക എന്നിങ്ങനെയുള്ള നിരവധി സുരക്ഷ ക്രമീകരണങ്ങള് അടങ്ങിയതാണ് പുതിയ ഫീച്ചര്. കോളുകള്ക്കിടയില് വാട്സ്ആപ്പ് സെര്വറുകള് വഴി ആശയവിനിമയങ്ങള് റൂട്ട് ചെയ്ത് ഐപി അഡ്രസ് സംരക്ഷണം ഈ സംവിധാനം ഉറപ്പാക്കും.
