By 2020 നവംബറിലാണ് വാട്‌സ്ആപ്പ് ഡിസപ്പിയറിങ് മെസേജ് ഫീച്ചര്‍ അവതരിപ്പിച്ചത്. തുടക്കത്തില്‍ ഉപയോക്താക്കളുടെ ആവശ്യാനുസരണം ഫീച്ചര്‍ ഓണ്‍ ചെയ്യാനും ഓഫ് ചെയ്യാനുമുള്ള സൗകര്യം മാത്രമാണ് ഉണ്ടായിരുന്നെങ്കില്‍ ക്രമേണ എത്ര സമയത്തിനുള്ളില്‍ മെസേജ് അപ്രത്യക്ഷമാകണം എന്ന് ഉപയോക്താക്കള്‍ക്ക് തീരുമാനിക്കാന്‍ സാധിക്കുന്ന വിധത്തില്‍ അപ്‌ഡേഷന്‍ കൊണ്ടുവന്നിരുന്നു.
തുടക്കത്തില്‍ ഒരാഴ്ച പിന്നിടുമ്പോഴായിരുന്നു ചാറ്റുകള്‍ തനിയെ അപ്രത്യക്ഷമായിരുന്നതെങ്കില്‍ പുതിയ ഫീച്ചറോടെ 24 മണിക്കൂറുകള്‍ക്ക് ശേഷം, ഏഴ് ദിവസങ്ങള്‍ക്ക് ശേഷം, 90 ദിവസങ്ങള്‍ക്ക് ശേഷം എന്ന നിശ്ചിത സമയപരിധി ഉപയോക്താക്കള്‍ക്ക് തിരഞ്ഞെടുക്കാവുന്ന രീതിയില്‍ അപ്‌ഡേറ്റ് ചെയ്യപ്പെട്ടു. ഇപ്പോള്‍ ഈ സമയപരിധി വീണ്ടും കുറയ്ക്കാനുള്ള പദ്ധതിയിലാണ് വാട്‌സ്ആപ്പ് എന്ന റിപ്പോര്‍ട്ടാണ് പുറത്തുവരുന്നത്. റിപ്പോര്‍ട്ടുകള്‍ പ്രകാരം ഒരു മണിക്കൂര്‍, 12 മണിക്കൂര്‍ സമയപരിധിയില്‍ മെസേജുകള്‍ അപ്രത്യക്ഷമാകുന്ന രീതിയിലാണ് ഫീച്ചര്‍ വികസിപ്പിച്ചെടുക്കുന്നത്.
