By ഇന്റർനെറ്റ് ഡാറ്റയുടെ സഹായമില്ലാതെ തന്നെ മൊബൈൽ ഫോണുകളിൽ നേരിട്ട് ടെലിവിഷൻ ചാനലുകൾ ലഭ്യമാക്കുന്ന ഡയറക്ട്-ടു-മൊബൈൽ (D2M) സാങ്കേതികവിദ്യയുടെ പരീക്ഷണങ്ങൾ രാജ്യത്ത് പുരോഗമിക്കുന്നു. ഗ്രാമീണ മേഖലകളിലും ഇന്റർനെറ്റ് ലഭ്യത കുറഞ്ഞ ഇടങ്ങളിലും കൃത്യമായി വിവരങ്ങൾ എത്തിക്കാൻ ഈ സാങ്കേതികവിദ്യ സഹായിക്കും.
ടെലികോം ശൃംഖലകളിലെ അമിത തിരക്ക് കുറയ്ക്കാനും ദുരന്തനിവാരണ സന്ദേശങ്ങൾ, അടിയന്തര മുന്നറിയിപ്പുകൾ എന്നിവ ജനങ്ങളിലെത്തിക്കാനും D2M സംവിധാനം ഏറെ ഉപകാരപ്രദമാണ്. എന്നാൽ, സ്മാർട്ട്‌ഫോണുകളിൽ ഇതിനായി പ്രത്യേക റേഡിയോ ചിപ്പുകൾ ഉൾപ്പെടുത്തേണ്ടി വരുന്നത് ഫോണുകളുടെ നിർമ്മാണച്ചെലവ് വർദ്ധിപ്പിക്കുമെന്ന ഭയം മൊബൈൽ നിർമ്മാതാക്കൾക്കുണ്ട്.
ടെലികോം ഓപ്പറേറ്റർമാരും ബ്രോഡ്കാസ്റ്റിങ് കമ്പനികളും സംയുക്തമായി പ്രവർത്തിച്ചാൽ മാത്രമേ D2M സാങ്കേതികവിദ്യ രാജ്യമെമ്പാടും വിജയകരമായി നടപ്പിലാക്കാൻ സാധിക്കൂ എന്ന് വ്യവസായ മേഖല ചൂണ്ടിക്കാണിക്കുന്നു.
