By ഇന്‍സ്റ്റഗ്രാം ഉപയോക്താക്കള്‍ക്കായി പുതിയ ‘ലിങ്ക് എ റീല്‍’ ഫീച്ചര്‍ അവതരിപ്പിച്ച് മെറ്റ. പുതിയ ഫീച്ചറിലൂടെ ഒന്നിലധികം വിഡിയോകള്‍ ഇനി ഒറ്റ സീരീസായി ലിങ്ക് ചെയ്യാം. കണ്ടന്റ് ക്രിയേറ്റേഴ്‌സ് തങ്ങളുടെ വിഡിയോകള്‍ ഇപ്പോള്‍ സീരീസായി പോസ്റ്റ് ചെയ്യുന്നത് വര്‍ധിച്ചതിനെ തുടര്‍ന്നാണ് ഇന്‍സ്റ്റാഗ്രാം ഈ പുതിയ ഫീച്ചറുമായി എത്തിയിരിക്കുന്നത്.
സീരീസായി പോസ്റ്റ് ചെയ്യുന്ന വീഡിയോകളുടെ ബാക്കി ഭാഗങ്ങള്‍ കാണാനായി പലപ്പോഴും നമ്മള്‍ ബുദ്ധിമുട്ടാറുണ്ട്. എന്നാല്‍ പുതിയ ഫീച്ചര്‍ വരുന്നതോടെ സ്‌ക്രോളിംഗ് ചെയ്യാതെ തന്നെ വിഡിയോകള്‍ ലഭ്യമാകും. സന്ദര്‍ഭം, വിഷയം,തീം എന്നിവ അടിസ്ഥാനമാക്കിയാകും വീഡിയോ ക്രിയേറ്റേഴ്‌സിന് ഒരു റീലിനെ മറ്റൊന്നിലേക്ക് ലിങ്ക് ചെയ്യാന്‍ സാധിക്കുക. പുതിയതായി പോസ്റ്റ് ചെയ്യുന്ന റീലുകളും,പഴയ റീലുകളും ലിങ്ക് ചെയ്യാനുള്ള ഓപ്ഷന്‍ പുതിയ ഫീച്ചറിലുണ്ട്. എന്നാല്‍ സബ്‌സ്‌ക്രൈബര്‍ ഒണ്‍ലി റീലുകള്‍ ലിങ്ക് ചെയ്യാന്‍ സാധിക്കില്ല.
റീല്‍ ലിങ്ക് ചെയ്യുന്നതിനായി ക്യാപ്ഷന്‍ ബോക്‌സിന് താഴെയായി ലിങ്കിംഗ് ഓപ്ഷന്‍ ഉണ്ടാകും. ലിങ്ക് ചെയ്യാനായി അതില്‍ ടാപ്പ് ചെയ്യുക. ഒരു സമയം ഒരു റീല്‍ മാത്രമേ ടാപ്പ് ചെയ്യാനാകൂ. ലിങ്ക് ചെയ്ത റീലിന് ടൈറ്റില്‍ നല്‍കാം. ടൈറ്റില്‍ എപ്പോള്‍ വേണമെങ്കിലും മാറ്റാനുള്ള ഓപ്ഷനും ഈ ഫീച്ചറില്‍ ലഭ്യമാണ്.
