By ജോളി എല്‍എല്‍ബി മൂന്ന് എന്ന സിനിമയുടെ ടീസറിനെ ചൊല്ലിയുള്ള പരാതി. സിനിമയിലൂടെ ജുഡീഷ്യറിയെ അപമാനിച്ചു എന്നാണ് പരാതി. ഇതുമായി ബന്ധപ്പെട്ട് നടന്‍മാരായ അക്ഷയ് കുമാറിനും അര്‍ഷാദ് വാര്‍സിക്കും പൂനെയിലെ കോടതി നോട്ടീസ് അയച്ചിരിക്കുന്നു. ഒരു അഭിഭാഷകനാണ് കോടതിയെ സമീപിച്ചത്. ഓഗസ്റ്റ് 28ന് ഹാജരാകാനാണ് നോട്ടീസ്.
അടുത്തമാസമാണ് ചിത്രം റിലീസ് ചെയ്യുന്നത്. എട്ട് ദിവസം മുമ്പാണ് സിനിമയുടെ ടീസര്‍ പുറത്ത് വന്നത്. ഇതിന് പിന്നാലെയാണ് അഭിഭാഷകര്‍ കോടതിയെ സമീപിച്ചത്. പുനെയിലെ സിവില്‍ കോടതിയെ ആണ് സമീപിച്ചത്. ടീസറില്‍ കോടതി രംഗങ്ങള്‍ കാണിച്ചിരുന്നു. ജുഡീഷ്യറിയെ അപമാനിക്കുന്ന തരത്തിലാണ് ചിത്രത്തില്‍ കോടതി രംഗങ്ങള്‍ അവതരിപ്പിച്ചിരിക്കുന്നതെന്നാണ് പരാതിയില്‍ പറയുന്നത്. രണ്ട് അഭിഭാഷകരാണ് പരാതിയുമായി കോടതിയെ സമീപിച്ചത്.
ജഡ്ജിയെ മോശം പരാമര്‍ശം ഉപയോഗിച്ച് വിശേഷിപ്പിച്ചതായും പരാതിയില്‍ പറയുന്നു. ടീസറില്‍ ഇത്തരം സംഭാഷണങ്ങള്‍ ഉണ്ടെന്നാണ് പരാതിയില്‍ ചൂണ്ടിക്കാട്ടുന്നത്. സ്റ്റാര്‍ സ്റ്റുഡിയോ18 അവതരിപ്പിക്കുന്ന, സുഭാഷ് കപൂര്‍ രചനയും സംവിധാനവും നിര്‍വ്വഹിക്കുന്ന, അലോക് ജെയിന്‍, അജിത് അന്ധാരെ എന്നിവര്‍ ചേര്‍ന്ന് നിര്‍മ്മിക്കുന്ന ഈ ചിത്രത്തില്‍ സൗരഭ് ശുക്ല, ഹുമ ഖുറേഷി, അമൃത റാവു, ഗജ്‌രാജ് റാവു എന്നിവരും അഭിനയിക്കുന്നുണ്ട്.
