By ഓണ്ലൈന് മീറ്റിംഗുകള്ക്ക് വേണ്ടി ഒരുങ്ങാനുള്ള സമയം ലാഭിക്കാനും ആത്മവിശ്വാസം വര്ധിപ്പിക്കാനും ലക്ഷ്യമിട്ട് എഐ പവര്ഡ് വെര്ച്വല് മേക്കപ്പ് ഫീച്ചര് ഗൂഗിള് മീറ്റ് അവതരിപ്പിച്ചു. ഈ പുതിയ ടൂള് ഉപയോഗിച്ച് ഉപയോക്താക്കള്ക്ക് വെര്ച്വല് ഫൗണ്ടേഷന്, ലിപ്സ്റ്റിക്, ബ്ലഷ് എന്നിവ തത്സമയം പ്രയോഗിക്കാന് കഴിയും.
ചലനത്തിനും ലൈറ്റിംഗ് സാഹചര്യങ്ങള്ക്കും സ്വാഭാവികമായി പൊരുത്തപ്പെടുന്ന ഒരു സ്റ്റുഡിയോ-നിലവാരമുള്ള ഫിനിഷ് നല്കാന് ഈ സവിശേഷതയ്ക്ക് സാധിക്കും. കഴിഞ്ഞ വര്ഷം അവതരിപ്പിച്ച ”പോര്ട്രെയിറ്റ് ടച്ച്-അപ്പ്” മോഡിന്റെ പരിഷ്കരിച്ച രൂപമാണിത്. പുതിയ പതിപ്പില്, ഒരു ഉപയോക്താവിന്റെ മുഖ സവിശേഷതകളുമായും ആംഗ്യങ്ങളുമായും സുഗമമായി ഇണങ്ങുന്ന 12 സ്റ്റുഡിയോ-നിലവാരമുള്ള മേക്കപ്പ് ലുക്കുകളാണ് ഗൂഗിള് മീറ്റ് അവതരിപ്പിക്കുന്നത്.
ഗൂഗിള് മീറ്റിന്റെ വെബ്, മൊബൈല് പതിപ്പുകളില് ഈ ഫീച്ചര് ലഭ്യമാണ്. ഒക്ടോബര് 8 മുതല് ഇത് ഘട്ടം ഘട്ടമായി പുറത്തിറക്കിത്തുടങ്ങി. ഗൂഗിള് വര്ക്ക്സ്പേസ് ബിസിനസ് സ്റ്റാന്ഡേര്ഡ്, ബിസിനസ് പ്ലസ്, എന്റര്പ്രൈസ്, എഡ്യൂക്കേഷന് പ്ലസ്, ഗൂഗിള് വണ് പ്രീമിയം പ്ലാനുകള് എന്നിവയുള്പ്പെടെ തിരഞ്ഞെടുത്ത ഉപയോക്താക്കള്ക്ക് നിലവില് ഇത് ആക്സസ് ചെയ്യാന് കഴിയും.
