By അനലോഗ് കേബിളിനെ മാറ്റി ഡിജിറ്റല് അഡ്രസ്സബിള് സിസ്റ്റം (DAS) ഘട്ടം ഘട്ടമായി നടപ്പാക്കാൻ നിയമം വന്ന് 2020 ആകുമ്പോഴേക്കും ഇന്ത്യ മുഴുവന് ഡിജിറ്റല് ആകുമെന്നും ഏകദേശം 200 ദശലക്ഷം വരിക്കാർ ഈ മാറ്റം എറ്റെടുക്കുമെന്നും ആയിരുന്നല്ലൊ പ്രതീക്ഷ. അതുപോലെ തന്നെ ഡിജിറ്റൈസേഷൻ വലിയ മാറ്റങ്ങള്ക്ക് തിരികൊളുത്തി. ടിവിയിൽ ദൃശ്യവും ശബ്ദവും മികച്ചതായി . കൂടുതൽ ചാനലുകള് ലഭ്യമായി തുടങ്ങി.
ഡിജിറ്റലൈസേഷനോടെ കേബിള് ഓപ്പറേറ്റര്മാര്ക്ക് ഹൈഡെഫനിഷന് (HD) ചാനലുകള്, വീഡിയോ ഓണ് ഡിമാന്ഡ് (VOD), പഴയ അനലോഗ് സിസ്റ്റങ്ങളില് സാധ്യമല്ലാത്ത സേവനങ്ങൾ നല്കാന് കഴിഞ്ഞു. ഉപഭോക്താക്കള്ക്ക് ആവശ്യമുള്ള ചാനലുകള് മാത്രം തിരഞ്ഞെടുക്കാനും പണം നല്കാനുമുള്ള ഓപ്ഷനുമുണ്ടായി. ചുരുക്കത്തിൽ, തുടക്കത്തിലെ ആശങ്കകൾ മാറിയപ്പോൾ ഡിജിറ്റൈഷനെ പ്രേക്ഷകര് സ്വീകരിക്കുക തന്നെ ചെയ്തു.
പുതിയ മത്സരം ഒടിടി പ്ലാറ്റ്ഫോമുകളില് നിന്ന്
ഡിജിറ്റലൈസേഷന് കേബിള് ടിവിയില് മാറ്റങ്ങളുണ്ടാക്കുമ്പോള് മറു ഭാഗത്ത് നെറ്റ്ഫ്ലിക്സ്, ആമസോണ് പ്രൈം, ഡിസ്നി+ ഹോട്ട്സ്റ്റാര് തുടങ്ങിയ ഓവര്ദിടോപ്പ് (ഒടിടി) സ്ട്രീമിംഗ് പ്ലാറ്റ്ഫോമുകൾ ശക്തമായി വന്നു. ഇന്റര്നെറ്റിലൂടെ ഓണ്ഡിമാന്ഡ് സ്ട്രീമിംഗ് വാഗ്ദാനം ചെയ്യുന്ന ഈ സേവനങ്ങള്, അവയുടെ താങ്ങാനാവുന്ന വില, വൈവിധ്യമേറിയ പ്രോഗ്രാമുകള് എന്നിവയാൽ ഒടിടി ഇന്ത്യയില് വേഗത്തില് ജനപ്രീതി നേടി.
ഇപ്പോൾ പല എംഎസ്ഒകളും ഒടിടി ഓഫറുകള് അവരുടെ ഡിജിറ്റല് പാക്കേജുകളില് ഉള്പ്പെടുത്തുന്നു. ചിലർ സ്വന്തം ആപ്പുകളും പ്ലാറ്റ്ഫോമുകളും ആരംഭിച്ചിട്ടുണ്ട്. ഇത് കാഴ്ചക്കാര്ക്ക് പരമ്പരാഗത ടിവി ചാനലുകളുടെയും ഓണ്ലൈന് സ്ട്രീമിംഗ് സേവനങ്ങളുടെയും ഒരു സങ്കലനം പ്രദാനം ചെയ്യുന്നു. ഈ ഹൈബ്രിഡ് സമീപനം കേബിള് ടിവി ഓപ്പറേറ്റർമാരെ മത്സരാന്തരീക്ഷത്തിൽ ശക്തരാക്കുന്നു. ഇന്റര്നെറ്റ് അധിഷ്ഠിത ഉള്ളടക്കത്തിനായുള്ള വര്ദ്ധിച്ചുവരുന്ന ഡിമാൻ്റ് പ്രയോജനപ്പെടുത്താനും സഹായിക്കുന്നു.
5ജിയുടെയും സ്മാര്ട്ട് ടിവികളുടെയും പങ്ക്
ഡിജിറ്റലൈസേഷന് ശക്തമാക്കുന്നതില് 5ജി നെറ്റ്വര്ക്കുകൾ നിര്ണായക പങ്ക് വഹിക്കുക്കുന്നുണ്ട്. വേഗതയേറിയ ഇന്റര്നെറ്റും കുറഞ്ഞ ലേറ്റന്സിയും ഉള്ളതിനാല് 5ജി കൂടുതല് തടസ്സമില്ലാത്ത സ്ട്രീമിംഗ് സാധ്യമാക്കുകയും ഉപഭോക്താക്കള്ക്ക് മികച്ച കാഴ്ചാനുഭവം നൽകുകയും ചെയ്യുന്നു. കേബിള് ഓപ്പറേറ്റര്മാര്ക്കാവട്ടെ, ഉയര്ന്ന നിലവാരമുള്ള ഡിജിറ്റല് ഉള്ളടക്കം നൽകാനും കഴിയുന്നു.. നഗര വിപണികളില് ജനപ്രീതിയോടെ വർദ്ധിച്ചുവരുന്ന സ്മാര്ട്ട് ടിവികള്, ബ്രോഡ്കാസ്റ്റ് ടിവിയും ഓണ്ലൈന് സ്ട്രീമിംഗ് സേവനങ്ങളും ഒരൊറ്റ ഗാഡ്ജറ്റിൽ ആസ്വദിക്കാൻ ഉപയോക്താക്കളെ അനുവദിക്കുന്നു.
വെല്ലുവിളികൾ ; അവസരങ്ങൾ
ഇന്ത്യയില് കേബിള് ടിവിയുടെ ഭാവി പ്രതീക്ഷ നല്കുന്നതായി തോന്നുമെങ്കിലും സമ്പൂർണ്ണ ഡിജിറ്റലിലേക്കുള്ള സമ്പൂർണ്ണപരിവര്ത്തനം വെല്ലുവിളികള് നിറഞ്ഞതാണ്. ഗ്രാമപ്രദേശങ്ങളില് അതിവേഗ ഇന്റര്നെറ്റും പുതുനിര സെറ്റ്ടോപ്പ് ബോക്സുകളും പരിമിതമായേ വിന്യസിക്കപ്പെടുന്നുള്ളൂ. ഈ ഡിജിറ്റല് വിടവ് ഒരു പ്രധാന തടസ്സമായി തുടരുന്നു. കൂടാതെ, അടിസ്ഥാന സൗകര്യങ്ങള് നവീകരിക്കുന്നതിനുള്ള ചെലവും മത്സരാധിഷ്ഠിത ഉള്ളടക്ക പാക്കേജുകള് നൽകേണ്ടതും കേബിള് ഓപ്പറേറ്റര്മാരില് നിന്ന് ഗണ്യമായ നിക്ഷേപം ആവശ്യപ്പെടുന്നു.
എങ്കിലും, ഈ വെല്ലുവിളികള് അവസരങ്ങളും നല്കുന്നു. സാങ്കേതികവിദ്യയിലും ഉള്ളടക്കത്തിലും ശരിയായ നിക്ഷേപം നടത്തുന്നതിലൂടെ, ഉയര്ന്ന നിലവാരമുള്ള വിനോദ ഉപാദികൾ കൂടുതലായി ആവശ്യപ്പെടുന്ന ഇന്ത്യയിലെ വളര്ന്നുവരുന്ന മധ്യവര്ഗത്തെ കേബിള് ടിവി ദാതാക്കള്ക്ക് പ്രയോജനപ്പെടുത്താന് കഴിയും. പ്രാദേശിക ഉള്ളടക്കം, പ്രോഗ്രാമിംഗ്, ടാർഗറ്റഡ് സേവനങ്ങള് എന്നിവ വാഗ്ദാനം ചെയ്യുന്നത് കേബിള് ഓപ്പറേറ്റര്മാരെ അവരുടെ ഉപഭോക്തൃ അടിത്തറ നിലനിര്ത്താന് കൂടുതല് സഹായിക്കും.
