By 30-ാം ആഴ്ചയിലെ കേരളത്തിലെ വാര്‍ത്താ ചാനലുകളുടെ റേറ്റിംഗ് വിവരങ്ങള്‍ പുറത്ത് വന്നു. കഴിഞ്ഞ ആഴ്ച ഒന്നാം സ്ഥാനത്തുണ്ടായിരുന്ന റിപ്പോര്‍ട്ടര്‍ ടിവിയെ രണ്ടാം സ്ഥാനത്തേക്ക് പിന്തള്ളി ഏഷ്യാനെറ്റ് ന്യൂസ് ഒന്നാം സ്ഥാനം തിരിച്ചുപിടിച്ചു. ജിആര്‍പി (ഗ്രോസ് റേറ്റിംഗ് പോയിന്റ്) കണക്കുകള്‍ പ്രകാരം 95 പോയിന്റുമായാണ് ഏഷ്യാനെറ്റ് ന്യൂസിന്റെ തിരിച്ചുവരവ്. രണ്ടാം സ്ഥാനത്തുള്ള റിപ്പോര്‍ട്ടര്‍ ടിവിക്ക് 88 പോയിന്റും മൂന്നാം സ്ഥാനത്തുള്ള 24 ന്യൂസിന് 76 പോയിന്റുമാണുള്ളത്. 41 പോയിന്റുമായി മാതൃഭൂമി ന്യൂസ് നാലാം സ്ഥാനത്തും 39 പോയിന്റുമായി മനോരമ ന്യൂസ് അഞ്ചാം സ്ഥാനത്തുമുണ്ട്. ന്യൂസ് മലയാളം ചാനലിന് 26, കൈരളി ന്യൂസിന് 18, ന്യൂസ് 18 കേരളക്ക് 14, മീഡിയ വണിന് 9 എന്നിങ്ങനെയാണ് മറ്റു ചാനലുകളുടെ പോയിന്റ് നില.
