By റീലുകള്ക്കായി ഇന്സ്റ്റഗ്രാം, ഫേസ്ബുക്ക്, എഡിറ്റ്സ് ആപ്പ് എന്നിവയില് കൂടുതല് ഇന്ത്യന് ഭാഷകള്ക്കുള്ള പിന്തുണ ആരംഭിച്ച് മെറ്റ. മുംബൈയില് നടന്ന ഹൗസ് ഓഫ് ഇന്സ്റ്റഗ്രാം പരിപാടിയിലാണ് മെറ്റ അപ്ഡേറ്റ് പ്രഖ്യാപിച്ചത്. കണ്ടന്റ് ക്രിയേറ്റേഴ്സിന് ഇപ്പോള് അവരുടെ റീലുകളും ടെക്സ്റ്റും ഉപയോഗിച്ച് വിശാലമായ ഇന്ത്യന് ഭാഷാ പ്രേക്ഷകരിലേക്ക് എത്തിച്ചേരാനാകും. ബംഗാളി, മറാത്തി, തെലുഗു ഉള്പ്പെടെയുള്ള മറ്റ് ഭാഷകളിലേക്ക് മെറ്റ എഐ വിവര്ത്തനങ്ങള് വികസിപ്പിക്കുന്നത് പുതിയ പ്രഖ്യാപനങ്ങളില് ഉള്പ്പെടുന്നു.
ഇന്സ്റ്റഗ്രാമിന്റെ ഡബ്, ലിപ്സിങ്ക് കഴിവുകള് ഉപയോഗിച്ച് ക്രിയേറ്റേഴ്സിന് അവരുടെ റീലുകള് ബംഗാളി, കന്നഡ, മറാത്തി, തമിഴ്, തെലുഗു എന്നീ അഞ്ച് പുതിയ ഇന്ത്യന് ഭാഷകളിലേക്ക് വിവര്ത്തനം ചെയ്യാന് കഴിയും. ഈ പിന്തുണ ഫേസ്ബുക്കിലേക്കും ഇന്സ്റ്റഗ്രാമിലേക്കും വ്യാപിപ്പിക്കും. വിവര്ത്തനം ചെയ്ത ഭാഷകളില് റീല്സിനെ അനായാസമായി കാണാനും ശബ്ദം നല്കാനും മെറ്റ എഐ ഡബ്ബിംഗ് ടൂള് ഉപയോഗിക്കുന്നുവെന്ന് മെറ്റ പറയുന്നു. ഇത് ക്രിയേറ്ററുടെ ശബ്ദത്തിന്റെ സ്വരവും ശൈലിയും നിലനിര്ത്തിക്കൊണ്ട് ഉള്ളടക്കം ആധികാരികമാണെന്ന് തോന്നിപ്പിക്കാന് സാധിക്കുന്നു. ലിപ്സിങ്ക് സവിശേഷത വിവര്ത്തനം ചെയ്ത ഓഡിയോയെ സ്പീക്കറുടെ വായയുടെ ചലനങ്ങളുമായി സമന്വയിപ്പിക്കുന്നു. ഇത് യഥാര്ഥത്തില് ഒരേ ഭാഷ സംസാരിക്കുന്നതായി തോന്നിപ്പിക്കുന്നു. ഇംഗ്ലീഷ്, ഹിന്ദി, സ്പാനിഷ്, പോര്ച്ചുഗീസ് എന്നീ ഭാഷകളില് ഡബ്ബിംഗ് ഫീച്ചര് നേരത്തെ മെറ്റ അവതരിപ്പിച്ചിരുന്നു.
