By കോഴിക്കോട്: മലയാളത്തിലെ ആദ്യ മുഴുവന് സമയ വാര്ത്താ ചാനലായ ഇന്ത്യാവിഷന്റെ പേരും ലോഗോയും ഉപയോഗപ്പെടുത്തി പുതുതായി ആരംഭിച്ച മാധ്യമസ്ഥാപനം വ്യാജമെന്ന് ഇന്ത്യാവിഷന് സ്ഥാപകനും എംഎല്എയുമായ എം.കെ മുനീര്. അങ്ങനെയൊരു സ്ഥാപനവുമായി ഇന്ത്യാവിഷന് യാതൊരു ബന്ധവുമില്ലെന്ന് എം.കെ.മുനീര് ഫേസ്ബുക്കില് പങ്കുവെച്ച പ്രസ്താവനയിൽ പറഞ്ഞു. നിയമലംഘനങ്ങള്ക്ക് എതിരെ നിയമ നടപടി സ്വീകരിക്കുമെന്നും ഇന്ത്യാവിഷന് വീണ്ടെടുക്കാനുള്ള ഊര്ജ്ജിത ശ്രമങ്ങള്ക്കിടെയാണ് വ്യാജനീക്കം ശ്രദ്ധയില് പെട്ടതെന്നും മുനീര് ഫേസ്ബുക്കില് കുറിച്ചു. ഇന്ത്യാവിഷന് എന്ന പേരില് പുതിയ ഓണ്ലൈന് വാര്ത്താ പോര്ട്ടല് ആരംഭിക്കുന്നതുമായി ബന്ധപ്പെട്ട സോഷ്യല് മീഡിയ പ്രചാരണങ്ങളിലാണ് പ്രതികരണം.
ഫെയ്സ്ബുക്ക് പോസ്റ്റിന്റെ പൂര്ണരൂപം
“പ്രിയപ്പെട്ടവരെ, കേരളത്തില് ദൃശ്യമാധ്യമരംഗത്ത് പുതിയ വഴിയും ചരിത്രവും തെളിച്ച ഇന്ത്യാവിഷന് വീണ്ടെടുക്കാനുള്ള ഊര്ജിത ശ്രമങ്ങള്ക്കിടെ ഒരു വ്യാജനീക്കം ശ്രദ്ധയില്പ്പെട്ടു. ഇന്ത്യാവിഷന്റെ പേരും സമാനമായ ലോഗോയും ഉപയോഗപ്പെടുത്തി പുതുതായി പ്രഖ്യാപിച്ച മാധ്യമസ്ഥാപനവുമായി ഇന്ത്യാവിഷന് യാതൊരു ബന്ധവുമില്ലെന്ന് അറിയിക്കുന്നു.”
ഈ നിയമലംഘനങ്ങള്ക്കെതിരെ നടപടി സ്വീകരിക്കുമെന്നും ഡോ. മുനീർ അറിയിച്ചു. സമൂഹമാധ്യമങ്ങളിലെ കള്ളപ്രചാരണങ്ങളില് ജാഗ്രത പാലിക്കണമെന്നും പ്രസ്താവനാൽ പറഞ്ഞു.
