By മെറ്റയുടെ ഉടമസ്ഥതയിലുള്ള ഫേസ്ബുക്ക് ഡേറ്റിംഗ് പ്ലാറ്റ്ഫോമില് ഉപയോക്താക്കളെ ഡേറ്റിംഗില് സഹായിക്കുന്നതിനായി ‘മീറ്റ് ക്യൂട്ട്’, ‘ഡേറ്റിംഗ് അസിസ്റ്റന്റ്’ എന്നീ രണ്ട് പുതിയ ഫീച്ചറുകള് അവതരിപ്പിച്ചു. ഡേറ്റിംഗ് ആപ്പുകളില് ഉപയോക്താക്കള്ക്ക് ഉണ്ടാകുന്ന മടുപ്പ് ഒഴിവാക്കുക എന്നതാണ് ഈ പുതിയ സംവിധാനങ്ങളുടെ പ്രധാന ലക്ഷ്യം. ഇതൊരു ആര്ട്ടിഫിഷ്യല് ഇന്റലിജന്സ് ചാറ്റ് അസിസ്റ്റന്റ് ആണ്. ഉപയോക്താക്കള്ക്ക് കൂടുതല് കൃത്യമായ പങ്കാളികളെ കണ്ടെത്താന് ഇത് സഹായിക്കും.
ഫേസ്ബുക്കിലൂടെ ഡേറ്റിംഗ് ലക്ഷ്യമിടുന്നവര്ക്ക് കൂടുതല് എളുപ്പത്തില് ഉപയോഗിക്കാന് കഴിയുന്ന വിധത്തിലാണ് ഈ പുതിയ ഫീച്ചറുകള് രൂപകല്പ്പന ചെയ്തിരിക്കുന്നതെന്ന് മെറ്റ പറയുന്നു. ഈ പുതിയ എഐ ഫീച്ചര് ആളുകളെ മുമ്പത്തേക്കാള് വേഗത്തിലും മികച്ചതുമായ കണക്ഷനുകള് ഉണ്ടാക്കാന് സഹായിക്കുമെന്നും മെറ്റ വ്യക്തമാക്കി.
ഉപയോക്താക്കള്ക്ക് ഒരു സാധാരണ ചാറ്റ് ചെയ്യുന്നതുപോലെ, തങ്ങള് ആഗ്രഹിക്കുന്ന പങ്കാളിയെക്കുറിച്ചുള്ള വിവരങ്ങള് ടൈപ്പ് ചെയ്ത് നല്കാം. പരമ്പരാഗത ഫില്ട്ടറുകള്ക്കപ്പുറം പ്രത്യേക താല്പ്പര്യങ്ങളോ സവിശേഷതകളോ ഉപയോഗിച്ച് ഇത് പങ്കാളികളെ തിരയാന് സഹായിക്കും. മെറ്റയുടെ അല്ഗോരിതം ഉപയോഗിച്ച് ഉപയോക്താക്കളെ ഓട്ടോമാറ്റിക്കായി ആളുകളുമായി ബന്ധിപ്പിക്കുന്നതിനാണ് ഈ ഫീച്ചര് രൂപകല്പ്പന ചെയ്തിരിക്കുന്നത്. തുടക്കത്തില്, എല്ലാ ആഴ്ചയും പൊരുത്തമുള്ള ആളുകളെ ഇത് വാഗ്ദാനം ചെയ്യും. പിന്നീട് കൂടുതല് ജോഡികള് സൃഷ്ടിക്കുന്നതിനുള്ള ഓപ്ഷന് പരിഗണിക്കും. ഉപയോക്താക്കള്ക്ക് ഒരു പൊരുത്തവുമായി ഉടന് തന്നെ ചാറ്റ് ചെയ്യാനോ, അല്ലെങ്കില് അവരെ ഒഴിവാക്കാനോ കഴിയും. സ്വൈപ്പ് ചെയ്ത് മടുത്തവര്ക്കും ഡേറ്റിംഗ് ആപ്പ് അനുഭവം പുതിയതും രസകരവുമാക്കാന് ആഗ്രഹിക്കുന്നവര്ക്കും വേണ്ടി പ്രത്യേകം രൂപകല്പ്പന ചെയ്തിട്ടുള്ളതാണ് ഫേസ്ബുക്കിലെ മീറ്റ് ക്യൂട്ട് ഫീച്ചര്.
