By പേടിവി പ്ലാറ്റ്ഫോമായ ടാറ്റ പ്ലേ, വാര്ണര് ബ്രദേഴ്സ് ഡിസ്കവറിയുടെ സഹകരണത്തോടെ സൃഷ്ടിച്ച പുതിയ പ്ലാറ്റ്ഫോം സേവനമായ കാര്ട്ടൂണ് നെറ്റ്വര്ക്ക് ഫോറെവറിന്റെ തുടക്കം പ്രഖ്യാപിച്ചു. കാര്ട്ടൂണ് നെറ്റ്വര്ക്കിന്റെ ഏറ്റവും പ്രശസ്തമായ ഷോകളുടെ ഒരു പ്രത്യേക പരസ്യരഹിത നിരയെ ഈ സേവനം തിരികെ കൊണ്ടുവരുന്നു. ഇത് പഴയ പ്രേക്ഷകര്ക്ക് നൊസ്റ്റാള്ജിയ ഉണര്ത്തുകയും പുതിയ തലമുറ ആരാധകരെ ആനന്ദിപ്പിക്കുകയും ചെയ്യുമെന്നും റിപ്പോര്ട്ടുകളുണ്ട്.
ഇംഗ്ലീഷിലും ഹിന്ദിയിലും ലഭ്യമായ കാര്ട്ടൂണ് നെറ്റ്വര്ക്ക് ഫോറെവര്, ടോം ആന്ഡ് ജെറി, സ്കൂബി ഡൂ, ബേബി ലൂണി ട്യൂണ്സ്, ഡെക്സ്റ്റേഴ്സ് ലബോറട്ടറി, ദി പവര്പഫ് ഗേള്സ് ക്ലാസിക്, എഡ് എഡ് എന് എഡ്ഡി, കോഡ്നെയിം: കിഡ്സ് നെക്സ്റ്റ് ഡോര് തുടങ്ങിയ ആനിമേറ്റഡ് ക്ലാസിക്കുകളുടെ വിശാലമായ ശ്രേണിയിലേക്ക് 24×7 ആക്സസ് വാഗ്ദാനം ചെയ്യുന്നു. ബാറ്റ്മാന്, സൂപ്പര്മാന്, ജസ്റ്റിസ് ലീഗ്, ഗ്രീന് ലാന്റേണ് തുടങ്ങിയ പ്രിയപ്പെട്ടവയിലൂടെ ഡിസിയുടെ ആനിമേറ്റഡ് ലോകത്തേക്ക് നേരിട്ട് ആക്സസ് നല്കുന്ന സേവനവും ഈ സേവനം നല്കുന്നു. ടെലിവിഷനപ്പുറം ടാറ്റ പ്ലേ മൊബൈല് ആപ്പ് വഴി തടസ്സമില്ലാതെ പരിപാടികള് വീക്ഷിക്കാനുമാകും.
കാര്ട്ടൂണ് നെറ്റ്വര്ക്ക് ഫോറെവര് ടാറ്റ പ്ലേയില് മാത്രമായും ലഭ്യമാണ്. വിനോദം, കുട്ടികള്, പഠനം, പ്രാദേശികം, ഭക്തി തുടങ്ങിയ വിഭാഗങ്ങളിലായി 50ലധികം വിനോദ, ഇന്ഫോടെയ്ന്മെന്റ്, മൂല്യവര്ദ്ധിത സേവനങ്ങളുടെ പോര്ട്ട്ഫോളിയോകളുമുണ്ട്.
