By ദുല്‍ഖര്‍ സല്‍മാന്‍ നായകനാവുന്ന ‘ഐ ആം ഗെയിം’ എന്ന ചിത്രത്തിന്റെ ചിത്രീകരണം പുരോഗമിക്കുന്നു. നഹാസ് ഹിദായത്ത് സംവിധാനം ചെയ്യുന്ന ‘ഐ ആം ഗെയിം’ വേഫെറര്‍ ഫിലിംസിന്റെ ബാനറില്‍ ദുല്‍ഖര്‍ സല്‍മാനാണ് ആക്ഷന് ത്രില്ലര്‍ ചിത്രം നിര്‍മ്മിക്കുന്നത്. ചിത്രത്തിനായി ഗംഭീര ആക്ഷന് രംഗങ്ങളാണ് ഒരുക്കുന്നത്. ചിത്രത്തിന് സംഘട്ടന സംവിധാനം നിര്‍വഹിക്കുന്നത് തെന്നിന്ത്യയിലെ പ്രശസ്ത സംഘട്ടന സംവിധായകരായ അന്‍പറിവ് മാസ്റ്റേഴ്‌സ് ആണ്.
ആക്ഷന് വലിയ പ്രാധാന്യം ഉള്ള ചിത്രത്തിന്റെ ഹൈലൈറ്റ് അന്‍പറിവ് മാസ്റ്റേഴ്‌സ് ഒരുക്കുന്ന വമ്പന്‍ സംഘട്ടന രംഗങ്ങള്‍ ആയിരിക്കും എന്നാണ് സൂചന. കബാലി, കെജിഎഫ് സീരിസ്, കൈതി, വിക്രം, ലിയോ, സലാര്‍ എന്നീ പാന്‍ ഇന്ത്യന്‍ ചിത്രങ്ങളുടെ സംഘട്ടന സംവിധാനം നിര്‍വഹിച്ചിട്ടുള്ള അന്‍പറിവ് മാസ്റ്റേഴ്‌സ് ‘ആര്‍ഡിഎക്‌സ്’ എന്ന ചിത്രത്തിന് ശേഷം വീണ്ടും നഹാസ് ഹിദായത്തുമായി കൈകോര്‍ക്കുന്ന ചിത്രം കൂടിയാണ് ‘ഐ ആം ഗെയിം’
ദുല്‍ഖര്‍ സല്‍മാന്റെ നാല്പതാം ചിത്രമായി ഒരുക്കുന്ന ‘ഐ ആം ഗെയിം’ല്‍ ദുല്‍ഖര്‍ സല്‍മാനൊപ്പം ആന്റണി വര്‍ഗീസും പെപ്പെയും പ്രധാന വേഷത്തിലെത്തുന്നുണ്ട്.
സജീര്‍ ബാബ, ഇസ്മായില്‍ അബൂബക്കര്‍, ബിലാല്‍ മൊയ്തു എന്നിവരാണ് ചിത്രത്തിന്റെ തിരക്കഥ രചിച്ചിരിക്കുന്നത്. ആദര്‍ശ് സുകുമാരനും ഷഹബാസ് റഷീദുമാണ് സംഭാഷണം ഒരുക്കുന്നത്. ആര്‍ഡിഎക്‌സ് എന്ന സൂപ്പര്‍ ഹിറ്റ് ചിത്രത്തിന് ശേഷം നഹാസ് സംവിധാനം ചെയ്യുന്ന ‘ഐ ആം ഗെയിം’ന്റെ ആദ്യ ഷെഡ്യൂള്‍ ചിത്രീകരണം നടന്നത് തിരുവനന്തപുരത്താണ്.
ഛായാഗ്രഹണം ജിംഷി ഖാലിദ്, സംഗീതം ജേക്‌സ് ബിജോയ്, എഡിറ്റിംഗ് ചമന്‍ ചാക്കോ, പ്രൊഡക്ഷന്‍ ഡിസൈനര്‍ അജയന്‍ ചാലിശ്ശേരി, മേക്കപ്പ് റോണക്‌സ് സേവ്യര്‍. കോസ്റ്റ്യൂം മഷര്‍ ഹംസ, പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍, അസോസിയേറ്റ് ഡയറക്ടര്‍ രോഹിത് ചന്ദ്രശേഖര്‍. ഗാനരചന മനു മഞ്ജിത്ത്, വിനായക് ശശികുമാര്‍, ഢഎത തൗഫീഖ് എഗ്വൈറ്റ്, പോസ്റ്റര്‍ ഡിസൈന്‍ ടെന്‍ പോയിന്റ്, സൗണ്ട് ഡിസൈന്‍ സിങ്ക് സിനിമ, സൗണ്ട് മിക്‌സ് കണ്ണന്‍ ഗണപത്, സ്റ്റില്‍സ് എസ് ബി കെ, പിആര്‍ഒ ശബരി.
